სახელმწიფო უსაფრთხოების სამსახურის კონტრდაზვერვის დეპარტამენტის თანამშრომლებმა, რუსეთის ფედერაციის მოქალაქე დიმიტრი ბ., თბილისის აეროპორტში საშიში სითხის დაქცევისთვის ბრალდებულის სახით დააკავეს.

სუს-ის ცნობით, მან 2018 წლის 2 ივლისს, თბილისის საერთაშორისო აეროპორტში გაფრენის დარბაზში მდებარე ერთ-ერთი ავიაკომპანიის სალაროს ოფისში ჯანმრთელობისთვის მავნე ნივთიერების შემცველი სითხე დააქცია.

შემთხვევის შესახებ დღეს, 4 ივლისს გახდა ცნობილი, რომ თბილისის საერთაშორისო აეროპორტში მხუთავი აირით რამდენიმე ადამიანი მოიწამლა. ისინი ახლა საავადმყოფოში მკურნალობენ.

სუს-ში არ ამბობენ, თუ რა მუხლით დააკავეს რუსეთის მოქალაქე.