ცოტა ხნის წინ HBO-ს საკულტო სერიალის, "სოპრანოს კლანის" შემქმნელმა დევიდ ჩეისმა ოფიციალურად დაადასტურა, რომ სოპრანოს ისტორიის დასაწყისზე მხატვრულ ფილმს გადაიღებდნენ.

ახლახან კი ცნობილი გახდა, რომ ამ ისტორიას კინოეკრანზე რეჟისორი ალან ტაილერი გადმოიტანს, რომელსაც უმუშავია ისეთ პროექტებზე, როგორებიც არის - სამეფო კარის თამაშები, თორი, სექსი დიდ ქალაქში, Mad Men და ა.შ.

ტაილერი წლების წინ თავად სოპრანოს კლანის რამდენიმე ეპიზოდის რეჟისორის ამპლუაშიც მოგვევლინა.

ფილმის სიუჟეტი 1960-იანი წლებში დაიწყება, როდესაც აფროამერიკელი და იტალიელი მაფიოზები ერთმანეთს სამტროდ გადაეკიდნენ. როგორც ცნობილია ფილმში სოპრანოს მშობლების პერსონაჟბსაც ვიხილავთ.

ფილმის სიუჟეტის თუ მასში მონაწილე მსახიობების შესახებ ჯერ სხვა დეტალები უცნობია.