დღეს, 3 ივლისს პარლმენტში მისულმა ნათია მეზვრიშვილმა შინაგან საქმეთა სამინისტროს ეზოში ზაზა სარალიძის პროტესტთან დაკავშირებით თქვა, რომ მათი მხრიდან დაცული იქნება სარალიძის ჯანმრთელობა და უსაფრთხოება:

"ჩვენი მხრიდან შექმნილია ყველა პირობა იმისთვის, რომ ბატონმა ზაზა სარალიძემ პროტესტი გამოხატოს სამინისტროს ეზოში მშვიდობიანი ფორმით".

შს მინისტრის მოადგილე ამბობს, რომ კონტაქტი აქვთ ზაზა სარალიძესთან და პერიოდულად აწვდიან მიმდინარე გამოძიების შესახებ ინფორმაციას:

"სამწუხაროდ მან არ ისურვა დეტალებზე საუბარი. ის საკუთარი ინიციატივით იმყოფება შინაგან საქმეთა სამინისტროს ეზოში, მას შემდეგ რაც მისივე სურვილით შეხვდა ცენტრალური კრიმინალური პოლიციის დეპარტამენტის წარმომადგენლებს, მან აღარ დატოვა შინაგან საქმეთა სამინისტროს შენობა. ჩვენ დავიცავთ როგორც მის ჯანმრთელობას ასევე მის უსაფრთხოებას".

ზაზა სარალიძე, რომელმაც შინაგან საქმეთა სამინისტროს ეზოში გაატარა ღამე, ამ წუთამდე პროტესტს აგრძელებს.