მარნეულში, წითელი ხიდის მიმდებარე ტერიტორიაზე 28 წლის კაცის ცხედარი იპოვეს. საგანგებო სიტუაციების მართვის სამსახურის ინფორმაციით, მაშველებმა გვამი მდინარე მტკვარში აღმოაჩინეს.

როგორც შინაგან საქმეთა სამინისტროს პრესსამსახური On.ge-სთან საუბრისას ამბობს, პირველადი მონაცემებით, გარდაცვლილი 25 ივნისს რუსთავში, მტკვარში ბანაობისას გაუჩინარდა. საგანგებო სიტუაციების მართვის სამსახურის ცნობით, სამძებრო-სამაშველო ღონისძიებები ამის შემდეგ შვიდი დღის განმავლობაში მიმდინარეობდა.

გამოძიება ფაქტზე საქართველოს სისხლის სამართლის კოდექსის 115-ე, თვითმკვლელობამდე მიყვანის მუხლითაა დაწყებული, რაც თავისუფლების აღკვეთას ვადით ორიდან ოთხ წლამდე ითვალისწინებს.