შინაგან საქმეთა სამინისტროს ცნობით, ლაგოდეხის სამმართველოს ორი მესაზღვრე რუსეთის ფედერაციის ტერიტორიაზეა და შეთანხმების შედეგად, ისინი ქართულ მხარეს ხვალ, 29 ივნისს გადმოეცემა. უწყების ცნობით, მესაზღვრეების დაბრუნების შემდეგ ქართული მხარე განახორციელებს ინციდენტის დეტალურ გამოკვლევას და ყველა შესაბამის პროცედურას:

"27 ივნისს საქართველოს სასაზღვრო პოლიციის ლაგოდეხის სამმართველოს ორი მესაზღვრე, მიღებული გეგმიური დავალების შესაბამისად გავიდა საქართველო-რუსეთის ფედერაციის სახელმწიფო საზღვრის დაღესტნის მონაკვეთზე მორიგი დროებითი საზაფხულო საგუშაგოს გასახსნელად. გარკვეული დროის განმავლობაში მესაზღვრეებთან კომუნიკაცია შეწყდა, რის შემდეგაც დაიწყო მათი ძებნის ღონისძიება".

რეგინფოს ინფორმაციით, ლაგოდეხის რაიონში ქართველი მესაზღვრეები რუსმა სამხედროებმა გაიტაცეს. მათივე ცნობით, ორივე მათგანი ლაგოდეხის რაიონის მკვიდრია.