ევროპული საქართველოს დეპუტატის, სერგი კაპანაძის განცხადებით, საქართველოს მთავრობის მიერ წარმოდგენილ ოთხოზორია-ტატუნაშვილის სიაში, შეყვანილი არ არის რუსეთის ფედერაციის არც ერთი მოქალაქე, თუმცა შეყვანილია გარდაცვლილი ადამიანები.

დეპუტატის თქმით, ევროპული საქართველო მოუწოდებს ხელისუფლებას უფრო მეტი პასუხისმგებლობით მიუდგეს სიას და შეიყვანოს მასში რუსეთის ფედერაციის მოქალაქეები.

სერგი კაპანაძის განცხადებით, ევროპული საქართველო გააგრძელებს მუშაობას, რომ სიამ მოიპოვოს საერთაშორისო პარტნიორების მხარდაჭერა.

"ეს არის მნიშვნელოვანი სია. ეს არის სია, რომელიც უგზავნის გზავნილს იმ ადამიანებს, რომლებიც არღვევენ საქართველოს მოქალაქეების უფლებებს ან შეუძლებელია მომავალში დაარღვიონ, რათა მათ კარგად გაიგონ, რომ ამის გამო მოუწევთ როგორც პოლიტიკური, ისე კონკრეტული ფასის გადახდა.“ - ამბობს სერგი კაპანაძე.

ოკუპირებულ ტერიტორიებზე საქართველოს მოქალაქეების წინააღმდეგ ჩადენილი დანაშაულისთვის ოთხოზორია-ტატუნაშვილის სიაში 33 პირი მოხვდა. დროებითმა მთავრობამ ოთხოზორია-ტატუნაშვილის სია დაამტკიცა. ის დასამტკიცებლად პარლამენტს გაეგზავნა.