თურქეთის საარჩევნო კომისიამ განაცხადა, რომ თურქეთის საპრეზიდენტო არჩევნებში მოქმედმა პრეზიდენტმა რეჯეპ ტაიპ ერდოღანმა გაიმარჯვა.

ბიულეტენების 97,7 პროცენტის დათვლის შემდეგ კომისიის თავმჯდომარის თქმით, ხმების უმრავლესობა ერდოღანმა მიიღო, თუმცა არ დააკონკრეტა რამდენი.

გამოცემა Andolu-ს ინფორმაციით, მოქმედმა პრეზიდენტმა ხმების 52,55 პროცენტი მიიღო. მისმა მთავარმა მოწინააღმდეგემ, მუჰარემ ინჩემ კი 30,67 პროცენტი. ეს შედეგები ცხადყოფს, რომ მეორე ტური არ იქნება.

საპრეზიდენტო არჩევნებთან ერთად თურქეთში საპარლამენტო არჩევნებიც ჩატარდა. ამ ეტაპზე ერდოღანის სამართლიანობისა და განვითარების პარტია ხმების 42 პროცენტით ლიდერობს. თურქეთის საარჩევნო კომისიის განცხადებით საბოლოო შედეგები 29 ივნისს გამოცხადდება.

ოფიციალური შედეგების გამოცხადების შემდეგ ერდოღანმა ხალხს მიმართა და განაცხადა, რომ გაიმარჯვა დემოკრატიამ და თურქეთი დანარჩენი მსოფლიოსთვის სამაგალითო იქნება.

თურქეთში 24 ივნისს ვადამდელი საპრეზიდენტო და საპარლამენტო არჩევნები ჩატარდა. ეს არჩევნები ისტორიული იქნება, რადგან აღმასრულებელი ფუნქცია დაეკისრება პრეზიდენტს და პრემიერ-მინისტრის თანამდებობა გაუქმდება.

რეჯეფ ტაიპ ერდოღანი ხელისუფლების სათავეში 2023 წლამდე იქნება და მორიგ საპრეზიდენტო არჩევნებშიც შეძლებს მონაწილეობის მიღებას.

მოქალაქეები ერდოღანის გამარჯვებას აღნიშნავენ

ფოტო: Anadolu

ფოტო: Anadolu

ფოტო: Anadolu

ფოტო: Anadolu