დღეს, 22 ივნისს თბილისში, წერეთლის გამზირზე მეგატექნიკის მაღაზია გაქურდეს. ინფორმაციას On.ge-ს შინაგან საქმეთა სამინისტროს პრესსამსახური უდასტურებს.

უწყების ცნობით, ბრალდებულის ვინაობის გამოსავლენად საგამოძიებო მოქმედებები მიმდინარეობს. მომხდარზე გამოძიება საქართველოს სისხლის სამართლის კოდექსის 177-ე, ქურდობის მუხლითაა დაწყებული, რაც ითვალისწინებს ჯარიმას ან შინაპატიმრობას 6 თვიდან 1 წლამდე ან თავისუფლების აღკვეთას 1-დან 3 წლამდე.