საპატრიარქოში სინოდის წევრებმა შეკრება დაიწყეს. მეუფეები შენობაში ისე შედიან, რომ ჟურნალისტებთან საუბრისგან თავს იკავებენ და არ აკონკრეტებენ რა თემებს განიხილავს სინოდი.

გავრცელებული ინფორმაციით, სინოდის სხდომაზე უკრაინის ეკლესიის ავტოკეფალიის საკითხს განიხილავენ. ვარაუდი საქართველოში რუსეთის საპატრიარქოს წარმომადგენლის ჩამოსვლამ გამოიწვია.

პატრიარქ კირილესა და სინოდის გადაწყვეტილებით, სასულიერო პირი რუსულენოვანი მრევლისთვის იქადაგებს და საჭიროების შემთხვევაში რუსეთის ეკლესიის პოზიციას წარმოადგენს.

არსებობს მოსაზრება, რომ სხდომაზე განიხილავენ ციანიდის და მამა გიორგი მამალაძის საქმესაც. გარდა ამისა, სხდომის ერთ-ერთ საკითხად მიიჩნევა პატრიარქის მოსაყდრის, მეუფე შიოს ლეგიტიმაციის საკითხი და მისი თანამდებობიდან გადაყენება.

სინოდის წევრების თქმით, განხილული საკითხების შესახებ შეხვედრის შემდეგ ისაუბრებენ.