ჩინელი ფოტოგრაფის პროექტი: ქალები კლასიკური აზიური სილამაზის სტანდარტების წინააღმდეგ

ჩინელი ფოტოგრაფი, ლუ იანგი, თავის მეგობრებს შეულამაზებელ, გულწრფელ ფოტოებს 2008 წლიდან უღებს. 1984 წელს დაბადებულმა ხელოვანმა აღიარება 2008 წლიდან დღემდე უკვე რამდენჯერმე მოიპოვა. მისი ფოტოები გამოფენილი იყო ევროპაში, აი ვეივეის პროექტ FUCK OFF 2-სთან ერთად.

ლუს თქმით, ის ფოტოგრაფიის საშუალებით მარტოობის ტკივილისგან თავისუფლდება:

"ზრდის პროცესში, გარკვეული ხარისხით მგონი ყველა გოგო განიცდის მარტოობასა და იმედგაცრუებას. ეს ფოტოები ამ გოგოების ცხოვრებას შეულამაზებლად გადმოსცემს, თუმცა, მათ ასევე აქვთ ფანჯრის ფუნქცია, რომელიც მსოფლიოსთან თავისი პატარა სამყაროს გაზიარებაში ეხმარებათ".

ფოტოები, რომლებიც თან ერთი ადამიანის უნიკალურ სამყაროს გამოხატავენ და თან სხვებსაც ეხმარებიან საკუთარი რეალობის პოვნაში, წიგნის სახით გამოიცა, სახელწოდებით GIRLS.