თანამედროვე ზღაპრები ისტორიულ ქალებზე - "იყო ერთი გოგო" ქართველი მწერლების მიერ შექმნილი ზღაპრების კრებულია, რომლის პერსონაჟებიც ცნობილი ქალები არიან. წიგნის პრეზენტაცია დღეს, 15 ივნისს თუმანიშვილის კინომსახიობთა თეატრში გაიმართა.

წიგნში შესული ზღაპრები მათ სიმამაცეზე, მიზანდასახულობაზე, სიბრძნეზე, კეთილშობილებაზე, მეგობრობასა და სამართლიანობისთვის ბრძოლაზე გვიყვება.

კრებულის "იყო ერთი გოგო" წაკითხვა შესაძლებელია საბა • SABA-ზე უფასოდ.

ინიციატივა განხორციელდა გაეროს ქალთა ორგანიზაციის მიერ, გაეროს ერთობლივი პროგრამის გენდერული თანასწორობისთვის ფარგლებში, შვედეთის მთავრობის მხარდაჭერით. ვიდეორგოლზე კი McCann Tbilisi-მ იმუშავა.