თბილისში, ნაძალადევის რაიონში, ქართველიშვილის ქუჩაზე 35 წლამდე კაცი მოკლეს. ამის შესახებ On.ge-ს ინფორმაცია შინაგან საქმეთა სამინისტროში დაუდასტურეს. გარდაცვლილს ჭრილობები ბლაგვი საგნით აქვს მიყენებული.

შსს-ს ცნობით, სამართალდამცველებს იდენტიფიცირებული ჰყავთ სავარაუდო დამნაშავე, რომელიც საავადმყოფოშია მოთავსებული. ის პოლიციის მეთვალყურეობის ქვეშაა. მომხდარზე გამოძიება საქართველოს სისხლის სამართლის კოდექსის 108-ე, განზრახ მკვლელობის მუხლით დაიწყო, რაც შვიდიდან 15 წლამდე ვადით თავისუფლების აღკვეთას ითვალისწინებს.