31 ივლისს, ბილტმორ თბილისი რუსთაველის გამზირზე გაიხსნება. ორგანიზატორები აცხადებენ, რომ გახსნის ცერემონიაზე ქართველი და უცხოელი შემსრულებლები კონცერტს გამართავენ.

მათივე განცხადებით, რუსთაველის გამზირზე მდებარე ახლადაშენებულ სასტუმროს მთლიანობაში 214 ნომერი აქვს, მისი არქიტექტურა და დიზაინი კი ქართული ტრადიციული და თანამედროვე ელემენტების შერწყმითაა შექმნილი.

ბილტმორი ლუქს-კლასის სასტუმროების ბრენდია, რომელიც ბილტმორ თბილისის სახით, საქართველოში Millennium & Copthorne-ის პირველ წარმომადგენლობას ხსნის.

ბილტმორ თბილისის საზეიმო გახსნას, საქართველოს პრემიერ მინისტრი გიორგი კვირიკაშვილი და არაბთა გაერთიანებული საამიროების შეიხი ნაიან ბინ მუბარაკ ალ ნაიანი დაესწრებიან.

რუსთაველის გამზირზე სპეციალურად ამ დღისთვის გრანდიოზული სცენა დააპროექტეს.

კონცერტი ბილტმორ თბილისის მფლობელ დაბი ჯგუფის და ტერა ბანკის ორგანიზებით იმართება და 5 000 ადგილობრივ და უცხოელ სტუმარს უმასპინძლებს.