ფეისბუქმომხმარებლები იუსტიციის მინისტრის, თეა წულუკიანის სტატუსს, ირაკლი შოთაძის გადადგომაზე Haha რეაქციას უწერენ. ამ დროის [19:01] მონაცემებით, მას 466 Haha რეაქცია და 312 მოწონება აქვს.

მინისტრი თავის განცხადებაში, რომელიც 31 მაისს გამოაქვეყნა, მადლობას უხდის ირაკლი შოთაძეს და წერს, რომ პროკურორის გადაწყვეტილებას გადადგომაზე არ ეთანხმება:

"მინდა მივმართო საჯაროდ საქართველოს ყველა პროკურორს: მე თქვენ გენდობით. მინდა, გენდობოდეთ მომავალშიც და ამიტომ გთხოვთ, არაფრის ფასად არ დაყაროთ ფარ-ხმალი, რადგან ჩვენ ცუდი წარსული გვინახავს ერთად. ჩვენ უნდა გავაგრძელოთ პროგრესის გზაზე სიარული".

მოქალაქეებმა Haha რეაქციით გამოხატეს საკუთარი პროტესტი პრემიერ-მინისტრის, გიორგი კვირიკაშვილის 5 ივნისის განცხადებაზე, სადაც ის არასამთავრობო ორგანიზაციებს აკრიტიკებს. ამ რეაქციას არაქართული ფეისბუქბოტების "Like-ები" მოჰყვა.

მეორე დღეს საქართველოს მთავრობის ადმინისტრაციამ "ვირუსულ შეტევა" და "ტროლინგი" უწოდა ფეისბუქმომხმარებლების Haha ემოციებს, იმ განცხადებაზე, რომლითაც პრემიერმა არასამთავრობოები გააკრიტიკა.