ზვიად დევდარიანმა პატივისა და ღირსების შელახვის მოტივით 12 პირის წინააღმდეგ სასამართლოში სარჩელი შეიტანა. დევდარიანის ადვოკატმა, დიმიტრი გაბუნიამ განაცხადა, რომ 12 პირიდან მხოლო რვა პირის ვინაობას დაასახელებენ, ხოლო მისი თქმით, სავარაუდო მსხვერპლების ვინაობას არ გაამხელენ.

ზვიად დევდარიანმა უჩივლა:

  • ბაია პატარაიას - კავშირ საფარის ხელმძღვანელი;
  • იდა ბახტურიძეს - ქალთა მოძრაობის წევრი;
  • თამარ ჩერგოლეიშვილს - ონლაინგამოცემა ტაბულას დირექტორი;
  • ნინო დანელიას - ილიაუნის პროფესორი;
  • თამარ ყურაშვილს;
  • თამარ კაკაბაძეს - ევროპული საქართველოს წევრი;
  • ეკატერინე ონიანსა;
  • გამოცემა ტაბულას.

გაბუნიას განმარტებით, მოწმის სახით და არა მოპასუხედ დაიკითხება საზოგადოებრივი მაუწყებლის სამეურვეო საბჭოს წევრი ნინია კაკაბაძე.

ტაბულას წინააღმდეგ სარჩელზე ადვოკატმა განმარტა, რომ სიტყვისა და გამოხატვის თავისუფლების შესახებ კანონი მოითხოვს, რომ ფორმალურად მითითებული უნდა იყოს ის მედიასაშუალება, რომლის მეშვეობითაც უნდა მოხდეს ცნობების უარყოფა. გაბუანის თქმით, ის ცნობები, რომლებიც შელახა ზვიად დევდარიანის ღირსება და საქმიანი რეპუტაცია ერთ-ერთ მხარედ უნდა მონაწილეობდეს.

"ტაბულას მიმართ, როგორც მედიის მიმართ, პრეტენზიები არ გვაქვს. ეს არის კანონის ფორმალობა".

გაბუნია ამბობს, რომ ტაბულა იყო პირველი გამოცემა, რომელმაც ზვიად დევდარიანის შესახებ ცნობები გაავრცელა და სწორედ ამის გამო აირჩიეს მოპასუხედ.

17 მარტს ქალთა მოძრაობამ ომბუდსმენის მიერ წარდგენილი სამეურვეო საბჭოს კონკურსის ერთ-ერთი მონაწილე ზვიად დევდარიანი სექსუალურ შევიწროების 10-მდე შემთხვევაში დაადანაშაულა, რის შემდეგაც დევდარიანმა საკუთარი კანდიდატურა მოხსნა.

გაიგეთ მეტი: