სექსუალურ შევიწროვებაში დადანაშაულებული ზვიად დევდარიანი ამ ბრალდებაზე წიგნის დაწერას აპირებს. ამის შესახებ მან დღეს გამართულ პრესკონფერენციაზე განაცხადა.

ზვიად დევდარიანის თქმით, ის სამოქალაქო სექტორიდან მიდის.

"ალბათ, წიგნს დავწერ ამ ყველაფერზე. არაფრის მოგონება არ დამჭირდება, თავისუფლად შეიძლება ამ ყველაფრის ფურცლებზე გადატანა", - განაცხადა ზვიად დევდარიანმა.

ზვიად დევდარიანი პატივისა და ღირსების აღდგენას სასამართლოს გზით გეგმავს. ამის შესახებ მან რამდენიმე წუთის წინ პრესკონფერენციაზე განაცხადა.

17 მარტს ზვიად დევდარიანი ქალთა მოძრაობამ ქალების შევიწროების 10-მდე შემთხვევაში დაადანაშაულა. შსს-მ გამოძიება ადევნების მუხლით დაიწყო.

დევდარიანი, რომელიც საზოგადობრივი მაუწყებლისსამეურვეო საბჭოს წევრობის კანდიდატი იყო, ბრალდებებს უარყოფს. სახალხო დამცველი ნინო ლომჯარია ზვიად დევდარიანთან დაკავშირებით ქალების მონათხრობში სისხლის სამართლის დანაშაულის ნიშნებს ხედავს