პაატა ბურჭულაძის პარტიის ერთ-ერთი ლიდერი ხათუნა ლაგაზიძე პრეზიდენტის მიერ დღეს გაკეთებულ განცხადებას, სამართალდამცავების მხრიდან მისი ოჯახის წევრის დევნის თაობაზე, ეხმიანება.

ლაგაზიძე მიიჩნევს, რომ თუ დაცული არაა ხალხის მიერ არჩეული პრეზიდენტი, დაცული არ იქნება მათი ნება არჩევნებზე. აღნიშნული კომენტარი მან რუსთავი 2-ის ჟურნალისტთან გააკეთა:

"2016 წლის საპარლამენტო არჩევნების ლეგიტიმაცია კითხვის ნიშნის ქვეშ დგას, იმიტომ რომ, საქართველოს პრეზიდენტი, რომელიც არის ხალხის არჩეული, და ასევე მისი ოჯახის წევრები, არ არიან დაცულნი ამ ქვეყანაში, შესაბამისად არ იქნება საქართველოს არცერთი მოქალაქის ნება დაცული".

დღეს საქართველოს პრეზიდენტმა გიორგი მარგველაშვილმა განაცხადა, რომ სამართალდამცავების მხრიდან 1 თვის წინ მისი ოჯახის წევრზე ზეწოლის განხორციელების მცდელობა იყო.

გაიგეთ მეტი იგივე თემაზე: