აქტივისტების ნაწილმა თბილისის იუსტიციის სახლში მინისტრის გადადგომის მოთხოვნით ბუშტები გაუშვეს. აქტივისტები იუსტიციის სახლში რამდენიმე წამის წინ მივიდნენ.

იუსტიციის მინისტრის გადადგომის მოთხოვნით დღეს, 8 ივნისს იუსტიციის სახლთან აქციაც გაიმართება. აქციას On.ge პირდაპირ ეთერში შემოგთავაზებთ.

მიზეზები, რის გამოც თეა წულუკიანის გადადგომას ითხოვენ:

  • იუსტიციის მინისტრი არის პერსონალურად პასუხისმგებელი სასამართლო სისტემის რეფორმაზე, რომელიც არ განხორციელდა;
  • იუსტიციის მინისტრმა არ იზრუნა დამოუკიდებელი საგამოძიებო ორგანოს ჩამოყალიბებაზე, რომელიც გამოიძიებდა სამართალდამცველთა მიერ ჩადენილ დანაშაულებს;
  • იუსტიციის მინისტრმა მთავარ პროკურორ შოთაძეს მადლობა გადაუხადა კარგად შესრულებული საქმიანობისთვის მისი გადადგომის შემდეგ;
  • იუსტიციის მინისტრის მიერ შერჩეულმა ოთხიდან ვერც ერთმა მთავარმა პროკურორმა ვერ იმუშავა დამოუკიდებლად;
  • თეა წულუკიანი არ აღიარებს და პატივს არ სცემს სასამართლო ხელისუფლებას! ის არ აღასრულებს სასამართლოს გადაწყვეტილებებს გახმაურებულ საქმეებზე, იყენებს ინსტიტუციურ მექანიზმებს პირადი მიზნებისთვის, უკანონოდ ათავისუფლებს თანამშრომლებს სამსახურიდან;
  • იუსტიციის მინისტრმა არამიზნობრივად გაზარდა საშტატო ერთეულთა რაოდენობა იუსტიციის სისტემაში და პარტიული აქტივისტებით გაავსო სამინისტრო;
  • თეა წულუკიანს არ აქვს იურისტის დიპლომი;
  • სტრასბურგმა ორჯერ დაუწუნა მოსამართლეთა სია;
  • წაგებული აქვს თითქმის ყველა საქმე საერთაშორისო დონეზე;
  • იუსტიციის მინისტრს უნდობლობა გამოუცხადა არასამთავრობო სექტორმა.