შინაგან საქმეთა მინისტრის მოადგილემ, ნათია მეზვრიშვილმა ხორავას ქუჩაზე მომხდარ საქმესთან დაკავშირებით დაწყებულ ხელახალ გამოძიებაზე ჟურნალისტებთან ისაუბრა.

მეზვრიშვილის თქმით, თუ გამოვლინდება შინაგან საქმეთა სამინისტროს რომელიმე პირის ბრალეულობა და ჩართულობა ამ საქმეში, შესაბამისი პასუხისმგებლობა მათაც დაეკისრებათ:

"ეხლაც მიმდინარეობს მოწმეების გამოკითხვა. ტარდება შესაბამისი საგამოძიებო მოქმედებები, და ჩვენ ვმუშაობთ რამდენიმე მიმართულებით. ერთ-ერთი მნიშვნელოვანი მიმართულება, რომელზეც გამოძიება მუშაობს, ისაა რომ დავადგინოთ იმ პირთა წრე და დავაყენოთ იმ პირების პასუხისმგებლობის საკითხი, რომლების ზემოქმედებდნენ პროცესის მონაწილეებზე. ასევე, არსებობს გარკვეული კითხვის ნიშნები ექსპერტიზის დასკვნასთან დაკავშირებით".

დღეს, 6 ივნისს, უნდა შეიქმნას ხორავას ქუჩის საქმეზე საგამოძიებო კომისია, რომელშიც ოპოზიცია უმრავლესობით იქნება წარმოდგენილი.