ზვიად კუპრავა მხარდამჭერებთან ერთად ეროვნულ დემოკრატიული პარტიის ოფისშია. ადგილიდან On.ge-ს ჟურნალისტი იუწყება რომ ის ოპოზიციური პარტიის წარმომადგენლებს ხვდება და მოგვიანებით გაავრცელეს განცხადებას.

პარტიის შენობასთან შეკრებილი ადამიანები კომენტარს არ აკეთებენ, თუმცა შესვლამდე, ზვიად კუპრავამ თქვა, რომ სამოქმედო გეგმა უნდა დასახონ.

ზაზა სარალიძე ამ წუთებში პარლამენტის შენობის წინ, კარავში დარჩა, აქციის სხვა მონაწილეებთან ერთად. მან მოუხმო ყველა ოპოზიციურ პარტიას, რომ გააერთიანონ ძალები ამ სისტემის დასანგრევად.

"დღეს კიდევ ნათლად დავინახე რომ მთავრობა მიდის ზეწოლაზე, ყველანაირ ღონეს ხმარობს... დღემდე ვცდილობდი რომ მხოლოდ საზოგადოებსითვის მომეხმო და იმ ადამიანებისთვის, ვისაც ჩემს გვერდით დგომა შეეძლო. ახლა უკვე მოვუხმობ მთელი საქართველოს პოლიტიკურ პარტიებს გააერთიანოს ძალები ამ სისტემის დასამხობად", - განაცხადა ზაზა სარალიძემ.

რამდენიმე წუთის წინ ინციდენტი იყო პარლამენტთან. როგორც On.ge-ს ჟურნალისტი იუწყება კუპრავამ აქციაზე განაცხადა, რომ ის ბრძოლას აუცილებლად გააგრძელებს და ხვალინდელი აქცია 18 საათზე დააანონსა. ამის შემდეგ პარლამენტის ტერიტორიიდან გავიდა.