Gorillaz ოფიციალურად დაბრუნდა! ახალი ალბომის, The Now Now-ს დაანონსებიდან მეორე დღეს, ვირტუალურმა ჯგუფმა უკვე ორი ახალი სიმღერა გამოუშვა.

პირველ სიმღერას, რომლის მოსმენაც უკვე შეგიძლიათ, Humility ჰქვია. დეიმონ ოლბარნის თქმით, მისი შექმნისას ჯორჯ ბენსონზე ფიქრობდა. კლიპში ჯეკ ბლეკს ვხედავთ.

მეორე სიმღერას, რომელიც ჯგუფის იუთუბზე აიტვირთა, Lake Zurich ჰქვია, თუმცა ის საქართველოში მიუწვდომელია.

The Now Now ზაფხულში, 29 ივნისს გამოვა. ეს სწორედ ის ალბომია, რომელიც დაკარგვის საფრთხის წინაშე დადგა, როცა ჯგუფის ფრონტმენს, დეიმონ ოლბარნს მისი ერთადერთი ვერსია ტაქსიში დარჩა.