დღეს მინსკში Ukrainskaia Pravda-ს ჟურნალისტს, პაველ შერემეტს დაკრძალავენ, რომელიც 20 ივლისს კიევში, მანქანაში ააფეთქეს. გუშინ კი უკრაინის დედაქალაქში შერემეტთან გამოსამშვიდობებელი ცერემონია გაიმართა, რომელშიც ქვეყნის პრეზიდენტმა, პეტრო პოროშენკომაც მიიღო მონაწილეობა. ინფორმაციას Ekhokavkaza ავრცელებს.

ადგილობრივი გენერალური პროკურორის, იური ლუცენკოს განმარტებით, გამოძიების პროცესში დაკითხვაზე დაბარებულები არიან მე-17 არხის ჟურნალისტები, რომლებიც მკვლელობის ადგილას პირველები მივიდნენ. მისივე განმარტებით, მომხდართან რამდენიმე პირია დაკავშირებული.

უკრაინაში მცხოვრები პაველ შერემეტი 20 ივლისს კიევში, მანქანაში ააფეთქეს. ამ დრომდე არ ვრცელდება მკვლელობაში მონაწილე სავარაუდო პირთა ვინაობისა და მომხდარის მოტივის შესახებ ინფორმაცია.