მთავარი პროკურორი ირაკლი შოთაძე აცხადებს, რომ ხორავას ქუჩაზე მომხდარი მკვლელობის საქმეზე, საქალაქო სასამართლოს გადაწყვეტილებას ბრალდების მხარე კატეგორიულად არ ეთანხმება:

"გაუგებარია რაზე დაყრდნობით მიიღო მოსამართლემ აეთი გადაწყვეტილება. გადაწყვეტილება ასუცილებლად გასაჩივრდება სააპელაციოში".

შოთაძის თქმით, პროკურატურა გეგმავს საქმეში შვეიცარიელი ექსპერტები და უცხოელი, ცნობილი პროკურორები ჩართონ. ის ამბობს, რომ ამ ყველაფერს ისინი მანამდეც გეგმავდნენ, თუმცა არ სურდათ სასამართლოზე ზეგავლენა მოეხდინათ:

"არსებობს კითხვები, ასევე კითხვები აქვს დაზარალებულის უფლებამონაცვლეს. ჩვენთვის ეს კითხვები ლეგიტიმურია. უმნიშვნელოვანესია, ეს კითხვები არ დარჩეს პასუხგაუცემელიჩვენ გვქონდა კომუნიკაცია შვეუცარიის ქალაქ ლოზანის საექსპერტო ბიუროსთან. კითხვის ნიშნები საექსპერტო დასკვნებთან არსებობს. ჩვენ საეჭვოდ არ ვხდით სამხარაულის ბიუროს გადაწყვეტილებას, თუმცა ესაა სწორედ იმისთვის, რომ საზოგადოების კითხვებს გაეცეს პასუხი. მათ გაადეგზავნებათ ყველა საექსპერტო ნიმუში. საზოგადოება ინფორმირებული იქნება ამ პროცესზე".

მთავარი პროკურორი შოთაძე სთავაზობს მოკლულის მამას, ზაზა სარალიძეს მის ადვოკატთან ერთად ნებისმიერი კითხვა დაუსვას შვეიცარიის საექსპერტო ბიუროს და უცხოელ პროკურორებს:

"ჩვენ ვხედავთ იმას რომ ბატონ ზაზას კითხვის ნიშნები აქვს გამოძიებასთანაც. ჩვენი მხრიდან ყველა საპროცესო მოქმედება გამოძიების დაწყებიდან გამჭვირვალედ ჩავატარეთ. ჩვენ ყოველთვის ვცდილობდით აგვეხსნა დაზარალებულებისათვის, თუ რას ვაკეთებდით. მე მინდოდა გულწრფელად მესაუბრა და მინდოდა მისთვის შემეთავაზებინა ის ღონისძიებები რის გაჟღერებასაც დღეს ვაპირებთ".

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.

პროკურორომა, მარიამ გოგოხიამ განაცხადა, რომ განაჩენს სააპელაციო სასამართლოში გაასაჩივრებს.