თავდასხმას, რომელიც ბელგიის ქალაქ ლიეჟიში მოხდა, ორი პოლიციელი და ერთი ქალი ემსხვერპლა. ინფორმაციას BBC ავრცელებს.

აღნიშნულ ფაქტს, სამართალდამცველები ტერორისტულ აქტად განიხილავენ, თუმცა მომხდარის მოტივი ამ დრომე უცნობია.

37 წლის ეჭვმიტანილი კაცი, რომელიც უკვე ლიკვიდირებულია, ბელგიის მოქალაქე აღმოჩნდა.

ადგილობრივი მედიის ცნობით, მან სასჯელაღსრულების დაწესებულება, სადაც ის სასჯელს ნარკოტიკულ საშუალებებთან დაკავშირებით იხდიდა, შეწყალების საფუძველზე, ცოტა ხნის წინ დატოვა.

BBC-ის ცნობით, თავდამსხმელი არაბულ ენაზე სკანდირებდა და ალაჰს ადიდებდა.