კლივლენდში, რესპუბლიკური პარტიის ყრილობაზე, დონალდ ტრამპმა ოფიციალურად განაცხადა, რომ საპრეზიდენტო არჩევნებში მიიღებს მონაწილეობას. 1237 ხმის დაგროვების შემდეგ, ის აშშ-ს პრეზიდენტობის ოფიციალური რესპუბლიკელი კანდიდატი გახდა:

"ვამაყობ, რომ თქვენი პრეზიდენტობის კანდიდატი ვარ. ჩვენ ისტორიული შედეგები მივიღეთ, რადგან ჩემთვის მოცემული ხმების რაოდენობა ყველაზე მეტია რესპუბლიკური პარტიის არსებობის განმავლობაში. ეს მოძრაობაა და ჩვენ მთელი გზა უნდა გავიაროთ".

ტრამპმა განაცხადა, რომ ის აშშ-ში ერთადერთი ადამიანია, რომელსაც სიღარიბესთან, კოურუფციასა და ძალადობასთან დაკავშირებულ კატასტროფას შეუძლია ებრძოლოს. მან განმარტა, რომ მისი პრეზიდენტობის შემთხვევაში, ის იქნება ამერიკელი მუშების ხმა, ამასთან, აღადგენს კანონსა და წესრიგს:

"არავინ იცის სისტემა ჩემზე უკეთ, ამიტომაც მხოლოდ მე შემიძლია მისი გამოსწორება. ჩემი მესიჯია, რომ რაღაცები უნდა შეიცვალოს და უნდა შეიცვალოს დაუყოვნებლივ. ის კრიმინალი და ძალადობა, რაც ახლაა ამერიკაში, მალე აღარ იქნება".