ამერიკის შეერთებული შტატების პრეზიდენტობის რესპუბლიკელი კანდიდატი დონალდ ტრამპი ბრიტანეთში 23 ივნისს ჩატარებული რეფერენდუმის შედეგებს დადებითად აფასებს:

"ისინი გაღიზიანებულნი არიან საზღვრების გამო, ისინი გაღიზიანებულნი არიან იმიგრანტების გამო, ისინი ძალიან ბევრ რამეზე არიან გაღიზიანებულნი. ვნახოთ რა იქნება, მაგრამ რაც მოხდა ძალიან კარგია“- ამბობს ტრამპი, - "მათ საკუთარი ქვეყანა დაიბრუნეს, ეს ძალიან კარგია".

დიდი ბრიტანეთის ამომრჩეველთა უმრავლესობამ, 52-მა პროცენტმა, მხარი დაუჭირა ქვეყნის ევროკავშირიდან გამოსვლას. ევროკავშირში დარჩენის მომხრე მხოლოდ 48 პროცენტი აღმოჩნდა.