ხობისა და ფოთის მიტროპოლიტი, მეუფე გრიგოლი ამბობს, რომ ის საპატრიარქოს გადაწყვეტილებას რუსთავი 2-თან ბოიკოტის შესახებ ვერ შეაფასებს, რადგან სინოდის წევრია და არა ადმინისტრაციის.

"მე როგორც სინოდის წევრი გეუბნებით, სინოდის სხდომა, რომ შეიკრიბება მერე ალბათ ვიმსჯელებთ ამ საკითხებზე, რაც აქტუალურად მიგვაჩნია", - განაცხადა მეუფე გრიგოლმა.

ამის შემდეგ მეუფემ რუსთავი 2-ის ჟურნალისტს ჯვარი გადასახა. ჟურნალისტის კითხვაზე - დალოცა თუ არა მან ამ ჟესტით რუსთავი 2, მეუფე პასუხობს:

"ჩემო კარგო ჩვენ გლოცავთ თითოეულ ადამიანს, ამისთვის ვართ. თითოეულ ადამიანს ვლოცავთ, რომ სიკეთის სამსახურში იყოთ. მეტი ამაზე კარგი რა გითხრათ."

კითხვაზე - რას ფიქრობს მეუფე ბოიკოტზე, მან განაცხადა:

"წმინდა სინოდის სხდომა, რომ იქნება მერე ვიმსჯელებთ ამ საკითხზე."

მას შემდეგ, რაც გიორგი გაბუნიამ PS-ის ეთერში ქრისტესა და ღვთისმშობელზე ისაუბრა ის მეუფე იობმა დაწყევლა საპატრიარქომ კი მოუწოდა მღვდელმთავრებს რუსთავი 2-ს ბოიკოტი გამოუცხადონ. პატრიარქმა განაცხადა, რომ რწმენაზე უხეშად შეხებისთვის დაუსჯელი არავინ დარჩება.

გაიგე მეტი: