ესტონეთის პარლამენტის თავმჯდომარემ, ეიკი ნესტორმა დღეს, 26 მაისს, საქართველოში გამართულ, სხვადასხვა ქვეყნის ოფიციალური დელეგაციების შეხვედრაზე საქართველოს ოკუპაციაზე ისაუბრა.

"რა უნდა გავაკეთოთ, რომ საქართველო გახდეს ჩვენი ოჯახის წევრი? საქართველოს სურს ნატოსა და ევროკავშირში გაწევრიანება და არ შეიძლება ქვეყანა მივატოვოთ სადღაც გაურკვევლობაში", - განაცხადა ეიკი ნესტორმა.

ესტონეთის პარლამენტის თავმჯდომარემ უამბო სხვა დელეგაციის წევრებს საქართველოში მოგზაურობის შესახებ:

"ორი წლის წინ, ორი მშვენიერი დღე გავატარე საქართველოში და დავინახე რამდენს შრომობენ, მუშაობენ და მუშაობენ, არ წუწუნებენ და დარწმუნებული არიან, რომ გახდებიან ევროპული ოჯახის წევრები. ძალაინ რთულია რეფორმები გაატარო, როდესაც აგრესიული მეზობელი გყავს."

ნესტორმა შეხვედრაზე მავუთლხლართებთან გადაღებული ფოტო აჩვენა სხვა დამსწრეებს და მოუწოდა მათ იმუშაონ საქართველოს უსაფრთხოებისთვის:

"ეს ვართ მე და გიორგი, ეს კი არის სამხრეთ ოსეთში მაცხოვრებელი ადამიანი, რომელიც მავთულხლართებიდან მიწვდის ხელს. ერთ დღესაც ადგა და დაინახა, რომ მის ეზოში მავთულხლართია და ის საქართველოში არ არის, არამედ სამყაროს სხვა ნაწილში. ის ვერც სასწრაფო დახმარებას გამოიძახებს და ვერცსოციალურ სიკეთეს მიიღებს, ეს გააკეთა აგრესიულმა მეზობელმა, ამ პირობებში რეფორმების გატარება არის ძალიან რთული. მაგრამ მე ნებისმიერ შემთხვევაში მინდა, რომ მსოფლიოს ეს ნაწილი იყოს გაცილებით უსაფრთხო, რადგან საქართველო ფანტასტიური ქვეყანააა."