აშშ-ის კონგრესის საგარეო ურთიერთობათა კომიტეტზე აშშ-ს სახელმწიფო მდივანს მაიკ პომპეოს საქართველოს შესახებ ჰკითხეს. მაიკ პომპეოს პასუხის თარგმანი საზოგადოებრივმა მაუწყებელმა გაავრცელა.

რესპუბლიკელი კონგრესმენის ჯო უილსონის თქმით, მათ აწუხებთ რუსეთის აგრესია, რომელიც მოლდოვიდან დაიწყო და საქართველოს და უკრაინას მისწვდა. კონგრესმენი დაინტერესდა, კიდევ რა შეიძლება გაკეთდეს მოკავშირეებთან ერთად საჭირო შეიარაღების უზრუნველსაყოფად, რათა პუტინის რეჟიმის აგრესია შეჩერდეს.

მაიკ პომპეოს თქმით, ამ სამი ქვეყნის შეიარაღების საკითხებს სიამოვნებით გაეცნობა დეტალურად.

"თავიდანვე მსურს, მკაფიოდ განვაცხადო, რომ საქართველოსთან მიმართებით ვმუშაობთ ნატო-ში გაწევრიანებაზე", - განაცხადა მაიკ პომპეომ.

მისი თქმით, ეს ის საკითხებია, რომლითაც შეუძლიათ დაეხმარონ იმ ქვეყნების მოსახლეობას სადაც რუსეთი აგრესორია.

"ბევრი რამ დარჩა გასაკეთებელი იმ ყოფილი საბჭოთა ქვეყნების წარმოჩინებისთვის, რომლებიც დასავლეთის გზას ადგანან", – განაცხადა სახელმწიფო მდივანმა.

გაიგე მეტი: