სტარბაქსის კაფეები უკვე ყველასთვის ღიაა, იმის მიუხედავად, შეიძენენ თუ არა ისინი რამეს. ინფორმაციას CNN ავრცელებს.

კომპანიამ ამერიკის მასშტაბით თავის თანამშრომლებს აცნობა, რომ მოქალაქეებს, რომლებიც კაფეში შევლენ, მაგიდებისა და ტუალეტის მოხმარების უფლება ექნებათ, თუნდაც არაფერი შეუკვეთონ.

სტარბაქსმა მომსახურებაში ამ დიდი ცვლილების შეტანა მას შემდეგ გადაწყვიტა, რაც ფილადელფიაში კაფეს მომსახურე პერსონალის მიერ ორ შავკანიანი კაცის მიმართ მოპყრობამ კრიტიკა გამოიწვია.

კაფეში შესულმა კაცებმა, ტუალეტის მოხმარება ითხოვეს, თუმცა მომსახურე პერსონალმა მათ განუცხადა, რომ ის ღია მხოლოდ იმ კლიენტებისთვის იყო, რომლებიც რამეს შეიძენდნენ. მოგვიანებით, როცა წყვილი კაფეში დაჯდა, სტარბაქსში დასაქმებულმა პოლიცია გამოიძახა. შავკანიანები დააკავეს, თუმცა მალევე გაათავისუფლეს.

სტარბაქსმა ინციდენტის გამო, მოგვიანებით, ბოდიში მოიხადა. კომპანის 29 მაისისთვის, ამერიკაში 8 000 კაფის დახურვას აპირებს, რათა თანამშრომლებს რასისტულ საკითხებზე ტრენინგები ჩაუტაროს.