თბილისის საქალაქო სასამართლომ ცოლის ცემაში ბრალდებული დამნაშავედ ცნო და სასჯელის სახით წელიწად-ნახევრით თავისუფლების აღკვეთა განუსაზღვრა.

სასამართლოს განცხადებით, ბრალდებულმა საკუთარ საცხოვრებელ ბინაში, არასრულწლოვანი შვილების თანდასწრებით, სცემა ცოლი. ამის გამო კი, დაზარალებულმა მიიღო ჯანმრთელობის მსუბუქი ხარისხის დაზიანება.

ბრალდებულს სისხლის სამართლის კოდექსის 120-ე მუხლით წაეყენა ბრალი, რაც ჯანმრთელობის განზრახ მსუბუქ დაზიანებას გულისხმობს.