ევროკავშირის სამართალდამცავი სააგენტოს ევროპოლის ინფორმაციით, მას შემდეგ, რაც 2006 წელს ტერორისტული აქტების აღრიცხვა დაიწყეს, 2015 წელს ევროკავშირში ტერაქტების ყველაზე მეტი რაოდენობა დაფიქსირდა.

გასულ წელს, ევროკავშირის ფარგლებში 211 ტერორისტული აქტი განხორციელდა. მათგან ყველაზე ბევრი, 103, დიდ ბრიტანეთზე მოდის, რომელთაგანაც უმრავლესობა ჩრდილოეთ ირლანდიაში დაფიქსირდა.

ევროკავშირში ტერორისტულ აქტებთან დაკავშირებით დაპატიმრებულთა უმრავლესობა ჯიჰადისტია.

დაგეგმილი, წარუმატებელი და განხორციელებული ტერაქტები ევროკავშირის 6 ქვეყანაში დაფიქსირდა: დანიაში, საფრანგეთში, საბერძნეთში, ესპანეთსა და დიდ ბრიტანეთში.

დიდი ბრიტანეთის შემდეგ, 72 ტერაქტის რაოდენობით მეორე ადგილზეა საფრანგეთი, ხოლო მესამეზე, 25 დაგეგმილი, წარუმატებელი ან განხორციელებული ტერორისტული აქტით - ესპანეთი.

ჯიჰადისტობის ბრალით დაპატიმრებული 687-დან 94% ბრალდებულად სცნეს.

ევროპოლის ცნობით, გასულ წელს ევროკავშირში 151 ადამიანი დაიღუპა და 360 დაშავდა ტერორისტული აქტების დროს.