სიღნაღის რაიონულმა სასამართლომ ოჯახში ძალადობაში ბრალდებული დამნაშავედ სცნო.

პროკურატურის ინფორმაციით, მსჯავრდებულმა 2018 წლის 23 თებერვალს, ღამის საათებში, დედოფლისწყაროს რაიონში, მისსავე საცხოვრებელ სახლში, არასრულწლოვანი შვილების თანდასწრებით, მეუღლეზე იძალადა. დაკავებულმა მეუღლეს თავის არეში ხელისა და მობილური ტელეფონის მრავალჯერადი დარტყმით ფიზიკური ტკივილი და მსუბუქი ხარისხის დაზიანება მიაყენა.

სამართალდამცველებმა ბრალდებული იმავე დღეს დააკავეს. მას სასჯელიის სახედ და ზომად 1 წლით თავისუფლების აღკვეთა განუსაზღვრა, საიდანაც 6 თვეს პენიტენციურ დაწესებულებაში მოიხდის, ხოლო დანარჩენი 6 თვე ჩაეთვალა პირობით და გამოსაცდელ ვადად დაუწესდა 1 წელი.