არასამთავრობო ორგანიზაცია EMC აცხადებს, რომ პოლიციის მხრიდან მანიფესტაციისთვის ხელშეშლის ფაქტს გაასაჩივრებენ. განცხადებაში ნაქვამია, რომ პარლამენტის წინ გაშლილი კარვები არ ბლოკავდა შენობის შესასვლელს. ორგანიზაციის განცხადებით, პოლიციის მხრიდან კარვების დემონტაჟი იყო უკანონო.

დღეს დილით, დაახლოებით 9 საათზე, პოლიციამ პარლამენტის შენობის წინ, ტროტუარზე გაშლილი კარვების დემონტაჟი დაიწყო. ადგილზე მყოფი აქციის მონაწილის განმარტებით, ამ დროისთვის, კარვებში აქციის 10-მდე მონაწილე იმყოფებოდა, რომლებმაც ღამე პარლამენტის შენობის წინ გაათენეს. აქციის მონაწილის განმარტებით, დილით, დაახლოებით 30-მდე პოლიციელი მივიდა აქციის მონაწილეებთან და მოსთხოვა მათ კარვების დაშლა. თუმცა მათივე განცხადებით, პოლიციას არ განუმარტავს რა სამართლებრივი საფუძვლით ითხოვდა დემონტაჟს.

აქციის მონაწილეებმა პარლამენტის შენობის წინ კარვების გაშლა, გვიან ღამით, მას შემდეგ დაიწყეს რაც, პრემიერ-მინისტრმა მათ მოთხოვნებზე რეაგირება არ მოახდინა.