ადამიანის უფლებების სწავლებისა და მონიტორინგის ცენტრის (EMC) იურისტის სოფო ვერძეულის შეფასებით, კლუბ ბასიანსა და კაფე გალერიში ჩატარებულ სპეცოპერაციას რამდენიმე მნიშვნელოვანი ხარვეზი ჰქონდა. ამის შესახებ მან ტვ პირველის ეთერით ისაუბრა.

მისი განცხადებით, შინაგან საქმეთა სამინისტრომ საზოგადოებას პასუხი უნდა გასცეს სპეცოპერაციის რეალურ საჭიროებაზე და იმაზე, თუ რატომ გახდა საჭირო სპეცოპერაციის შუაღამისას დაწყება. მისი თქმით, ის ფაქტი, რომ გამოძიების ძირითადი ნაწილი უკვე დასრულებული იყო, ამყარებს ეჭვს, რომ სპეცოპერაციის მიზანი შსს-ს მიერ მიღებულ ოპერატიულ ინფორმაციაზე რეაგირება არ იყო:

"საგამოძიებო ორგანოებს ჰქონდათ სასამართლო თანხმობა რამდენიმე კლუბში ჩხრეკის ჩატარებაზე. რადგან პოლიციას ჰქონდა დრო, რომ წინასწარ დაეგეგმათ ქმედებები და მიემართათ სასამართლოსთვის, ეს ნიშნავს იმას, რომ არ არსებობდა გადაუდებელი, მყისიერი აუცილებლობა."

ვერძეულის განმარტებით, რომ განჩინების ტექსტი ზედაპირულია და ტექსტში სპეცოპერაციის ჩატარების აუცილებლობა დაუსაბუთებელია.

მას მიაჩნია, რომ სპეცოპერაციის ჩატარების გადაწყვეტილება პოლიტიკურ დონეზე იყო მიღებული, თუ გავითვალისწინებთ ბოლო პერიოდში კონკრეტულ განცხადებებს და მიზანმიმართულ თავდასხმებს კლუბების მისამართით.

მათივე განცხადებით, ნარკოტიკების გასაღებასთან, რეალიზაციასთან ბრძოლა სახელმწიფოს ვალდებულება და საზოგადოების ინტერესის საგანია.

12 მაისს გვიან ღამით შსს-მ კლუბ ბასიანსა და კაფე გალერიში სპეცოპერაცია ჩაატარა. მათი განცხადებით, სამართალდამცავებმა რვა ნარკორეალიზატორი დააკავეს. ბასიანის ტრეიტორიასა და პარლლამენტის წინ პოლიციასთან დაპირისპირებისას 50-მდე ადამიანი დააკავეს. ყველა მათგანი ამ დროისთვის გათავისუფლებულია.