"სამეფო კარის თამაშების" დაბრუნებამდე ჯერ კიდევ ერთი გრძელი წელია დარჩენილი და ყველა, ვისაც სერიალი ენატრება, ამ პერიოდს საკუთარი თეორიების ჩამოსაყალიბებლად იყენებს. ანალიტიკოსმა და მეცნიერმა ტეილორ ლარკინმა გადაწყვიტა, მკითხაობაზე უარი ეთქვა და შედეგების წინასწარმეტყველებისთვის ალგორითმი შექმნა.

ალგორითმისთვის ლარკინმა "ყინულისა და ცეცხლის სიმღერიდან" 2 000-ზე მეტი ცოცხალი და მკვდარი პერსონაჟი გააანალიზა სქესის, ასაკის, საცხოვრებელი ადგილის, წარმომავლობისა და სხვა ცვლადების მიხედვით.

გაითვალისწინეთ ისიც, რომ ეს მონაცემები წიგნების მიხედვითაა დათვლილი და არა - სერიალის. გაეცანით საყვარელი თუ საძულველი პერსონაჟების გარდაცვალების შანსებს:

  • დაენერის ტარგარიენი - 83.77%
  • ჯეიმი ლანისტერი - 72.91%
  • ტირიონ ლანისტერი - 70.76%
  • ბრენ სტარკი - 66.02%
  • სერსეი ლანისტერი - 60.39%
  • ჯონ სნოუ - 58.99%
  • ეურონ გრეიჯოი - 54.95%
  • სანსა სტარკი – 50.28%
  • არია სტარკი - 49.04%
  • გენდრი - 39.87%

ზოგადი ტენდენციები: კაცები უფრო ხშირად კვდებიან, ვიდრე ქალები, მოხუცი პერსონაჟები უფრო დაუცველები არიან, ვიდრე ახალგაზრდები, ტარგარიენები ხშირად უყურებენ სიკვდილს თვალებში და რაც უფრო ცოტა ნათესავი ჰყავს ადამიანს, მით მეტია მისი მოკვლის შანსი.

შეგახსენებთ, რომ სერიალის ფინალური სეზონი 2019 წელს გამოდის.