13 მიზეზი რატომ მეორე სეზონით 18 მაისს დაბრუნდება და როგორც ახალი ტრეილერიდან ირკვევა, სერიალის გმირები ჰანას სიკვდილის შემდეგ სასამართლოში წარსდგებიან.

2-წუთიანი ტრეილერის დასაწყისში, კლეი ამბობს: "ისეთი შეგრძნება მქონდა, რომ ეს ყველაფერი დასრულდებოდა, თუმცა ასე არ მოხდა". ეს კი, კიდევ ერთხელ ამტკიცებს იმას, რომ სერიალი ჰანას ისტორიის გარშემო კვლავ იტრიალებს.

სერიალის მეორე სეზონში, აშკარაა, რომ გმირები ცდილობენ, ცხოვრების ჩვეულბრივ რიტმს დაუბრუნდნენ, მაშინ, როცა მათი სკოლა სასამართლო პროცესშია ჩართული. თუმცა მალე ყველაფერი ისევ თავდაყირა დგება, რადგან ჰანას სიკვდილთან დაკავშირებული საიდუმლოებები აშკარავდება, ახალი დეტალების გახმაურება კი, ვიღაცის გეგმებში არ შედის.

სიუჟეტში ასევე მნიშვნელობა ენიჭება ჯესიკას ისტორიას - პირველ სეზონში ის გაუპატიურების ერთ-ერთი მსხვერპლია, თუმცა მასზე მოძალადე სკოლაში კვლავ მასთან ერთად დადის.