11 მაისს მთაწმინდის პარკში, მმართველი პარტიის ქართული ოცნების მეხუთე ყრილობას ჟურნალისტები ვერ დაესწრებიან. მათ საშუალება ექნებათ ადგილზე განთავსებულ მედიაცენტრში პირდაპირი ტრანსლირების საშუალებით დააკვირდნენ ყრილობას.

როგორ ქართული ოცნების განცხადებაშია ნათქვამი, დარბაზში იმუშავებენ მხოლოდ მოძრავი სატელევიზიო სადგურის ვიდეოკამერები.

"ასევე, მედია ოპერატიულ რეჟიმში მიიღებს ფოტო და ვიდეო მასალას. ყრილობის დასრულების შემდეგ ჟურნალისტებისთვის გაკეთდება კომენტარები", - აღნიშნავენ პარტიაში.

მათივე ცნობით, 16 საათზე დახურულ ფორმატში დაიწყება პროცედურული ნაწილი, ხოლო 17 საათიდან ყრილობის ოფიციალური ნაწილი პირდაპირ ეთერში გადაიცემა.

ყრილობა პარტიის ახალ თავმჯდომარეს და განახლებულ პოლიტსაბჭოს აირჩევს. ყრილობა იმართება სამუშაო ფორმატში და მას პარტიის დელეგატები და პოლიტიკური გუნდის წევრები დაესწრებიან.