ჯონ გრინის ბესტსელერ წიგნს "ალასკას ძიებაში" სერიალად გადაიღებენ. პროექტს რეჟისორი ჯოშ შვარცი ჩაიბარებს, პრემიერა კი Hulu-ზე შედგება.

ამ ეტაპზე უცნობია, სულ რამდენ სეზონად გამოვა გრინის რომანის ეკრანიზაცია, თუმცა პირველ სეზონში მხოლოდ რვა სერია იქნება. სერიალის პროდიუსერი თავად ჯონ გრინი იქნება.

"ალასკას ძიებაში" მაილზ ჰოლტერის, უიღბლო თინეიჯერის ისტორიას მოგვითხრობს, რომელსაც უცნაური ჰობი აქვს: ის ცნობილი ადამიანების უკანასკნელ სიტყვებს სწავლობს.

ფრანსუა რაბლეს სიტყვებით შთაგონებული მაილზი სასწავლებლად მშობლებისგან მოშორებით, კალვერ კრიკში­ გაემგზავრება. ახალი მეგობრები კი მის ცხოვრებას სრულიად ცვლიან.

ჯონ გრინის "ალასკას ძიებაში" 2015 წელს ქართულად ბაკურ სულაკაურის გამომცემლობამ გამოსცა.