ფილმში Tully მთავარი როლის შესასრულებლად, მსახიობმა შარლიზ ტერონმა 15 კილო მოიმატა. ამის გამო მას ყველა აქებდა, მედია წერდა, რომ მსახიობის მხრიდან ეს გაბედული და თამამი ნაბიჯი იყო.

როგორც აღმოჩნდა, ამ ქება-დიდებას შარლიზ ტერონი სულაც არ გაუხარებია და როგორც ამბობს, სულაც არ გრძნობს თავს კარგად მაშინ, როდესაც ასეთ ქებას ისმენს.

Good Morning America-ში სტუმრობის დროს, მსახიობმა განმარტა, რომ მას განსაკუთრებული არაფერი გაუკეთებია.

"ძალიან ბევრი ადამიანი აღნიშნავს ჩემ სიმამაცეს იმასთან დაკავშირებით, რომ მე როლისთვის წონაში მოვიმატე. მინდა ამ ადამიანებს მივმართო, თუ იციან ყოველდღიურად რამდენი დედა არის ამ მდგომარეობაში? ჰო, თანაც მათ მამაცს არავინ ეძახის", - ამბობს შარლიზ ტერონი.