მეგან მარკლის ნახევარძმამ, ტომას მარკლ უმცროსმა, პრინც ჰარის ხელით დაწერილი წერილი გაუგზავნა და ურჩია, რომ 19 მაისისთვის დანიშნული სამეფო ქორწილი ჩაეშალა.

ტომას მარკლი მეგანს ზედაპირულ, ამაყ ქალს უწოდებს, რომელმაც მისი მამა გაკოტრების შემდეგ მიატოვა.

"ჯერ კიდევ არაა გვიანი, ის აშკარად არაა შენი შესაფერისი ქალი", - ასე იწყებს ის წერილს.

როგორც მეგანის ნახევარძმა ამბობს, ის და მათი მამა სამეფო ქორწილში დაპატიჟებულნი არ არიან, თუმცა, გავრცელებული ინფორმაციით, მეგანს საკურთხეველთან სწორედ მამა მიიყვანს.

ტომასი ორეგონის შტატში ცხოვრობს და მეგანი 2011 წლის შემდეგ აღარ უნახავს. ისინი ბოლოს ბებიის დაკრძალვაზე შეხვდნენ. ტომასი წლების წინ დაპატიმრებული იყო შეყვარებულზე იარაღით მუქარისთვის.