მეტროს მემანქანეები თბილისის საქალაქო სასამართლოს განჩინებას, რომლითაც მათ გაფიცვის უფლება ერთი თვით შეეზღუდათ გაასაჩივრებენ. მათ უფლებებს სასამართლოში ადამიანის უფლებათა სწავლებისა და მონიტორინგის ცენტრი დაიცავს.

"გაფიცვის გადავადების შესახებ განჩინება სასამართლოს მხრიდან, მხოლოდ დამსაქმებლის ცალმხრივი პოზიციის საფუძველზე, დასაქმებულთა ჩართულობისა და მათთვის შესაბამისი, ალტერნატიული პოზიციის წარდგენის შესაძლებლობის გარეშე იქნა მიღებული", - აცხადებენ EMC-ში.

ორგანიზაციაში მიიჩნევენ, რომ მემანქანეთა გაფიცვის გადავადების განჩინება მნიშვნელოვანი საპროცესო დარღვევებით მიიღო სასამართლომ.

"სასამართლომ ვერ უზრუნველყო მხარეთა შეჯიბრებითი პროცესის წარმართვა და გადაწყვეტილების მიღება გაფიცვის კონსტიტუციური უფლებით სარგებლობასა და საჯარო სიკეთის დაცვის მიზანს შორის სათანადო შეპირისპირების საფუძველზე", - აღნიშნავენ EMC-ში.

ამავე თემაზე: