მეტროს მემანქანეების განცხადებით, იმის გამო, რომ სატრანსპორტო კომპანიასთან ხელფასების ზრდის საკითხზე შეთანხმებას ვერ მიაღწიეს, 3 მაისიდან გაიფიცებიან.

რუსთაველის მეტროს წინ, მემანქანეებმა განცხადება წაიკითხეს და განაცხადეს, რომ მედიაციამ მხარეებს შორის წარუმატებლად ჩაიარა.

"დიდ ბოდიშს ვიხდით თქვენს წინაშე თბილისის მეტროპოლიტენის გაჩერების მთელი რიგი დისკომფორტისთვის. დღეს შევიტანთ განცხადებებს სატრანსპორტო კომპანიაში, ჯანდაცვის სამინისტროში, რომ წინასწარ სამი დღის ადრე ვაფრთხილებთ, რომ 2 მაისს საღამოს დავასრულებთ მუშაობას და 3 მაისიდან მეტრო აღარ გაიხსნება", - განაცხადა მეტროს ალტერნატიული პროფკავშირების ერთობა 2013-ის წარმომადგენლებმა.

ფოტო: თამუნა გეგიძე / On.ge

მემანქანეები აცხადებენ, რომ სამმხრივი შეხვედრების შემდეგ, სატრანსპორტო კომპანიისა და მერიისგან მიიღეს პასუხი, რომ ხელფასების მატება ვერ მოხდება.

მემანქანეების მოთხოვნა, საათობრივი ანაზღაურების 7 ლარიდან 10 ლარამდე გაზრდაზე, გამოწვეულია ქვეყანაში არსებული მძიმე ეკონომიკური ფონითა და მეტროში არსებული მძიმე სამუშაო პირობებით.

ამავე თემაზე: თბილისის მერია და მეტროს მემანქანეები ვერ შეთანხმდნენ - მედიაცია გრძელდება