დღეს, 2 მაისს, თბილისში, პარტია გირჩის ოფისის მახლობლად, სამოქალაქო ფორმით მისულმა შსს-ს თანამშრომლებმა ერთი პირი დააკავეს.

გირჩის წევრების ცნობით, მათ ფანჯრიდან დაინახეს, რომ ერთი პირი ძირს დააწვინეს და ამ ფორმით ცდილობდნენ დაეკავებინათ. მათივე ინფორმაციით, შსს-ს წარმომადგენლები აცხადებდნენ, რომ მათ ოპერატიული ინფორმაციის საფუძველზე უნდა გადაეყვანათ ის ნარკოტესტირებაზე.

როგორ On.ge-ს ჟურნალსიტი ადგილიდან იუწყება, დაკავებული უარს აცხადებს ბიოლოგიური მასალის ჩაბარებაზე.

პოლიციის შენობასთან მისულმა გირჩის ერთ-ერთმა წევრმა ქოთანი მიიტანა, რომელშიც როგორც ის ამბობს მარიხუანაა დარგული. ცოტა ხნის შემდეგ, შენობიდან გამოსულმა პოლიციელმა ახსნა-განმარტების გარეშე დააკავა ის პირი, ვისაც ქოთანი ეჭირა.

On.ge-ს შინაგან საქმეთა სამინისტროსგან ამ დრომდე არ მიუღია ინფორმაცია.