15 ივლისს ბათუმის ახალ ბულვარში დამსვენებლები ახალი კლუბის ბუმ-ბუმ ბიჩის საოცარი გახსნის მომსწრენი გახდნენ.

გახსნას მუსიკალური მუხტი შესძინეს გერმანელმა მუსიკოსმა Marc De Pulse-მა, DJ-მ ბერლინიდან - Diego Krause-მა და ქართველმა DJ-მ ტიმო ბერიძემ.

კლუბი 4 დღის განმავლობაში დამსვენებლებს გახსნასთან დაკავშირებით მუსიკალურ ღონისძიებებს სთავაზობს. მომავალი დღეების განმავლობაში ქართველ არტისტებთან ერთად Grand Opening-ზე ისეთი მუსიკოსების მოსმენას შეძლებთ, როგორებიც არიან Makcim, Gardens of God, Djebali.

მომავალი დღეების ლაინაფი კი ასე გამოიყურება:

  • 16 ივლისი - Makcim, Bene;
  • 17 ივლისი - Gardens of God (Ellum), Endorphins;
  • 18 ივლისი - Djebali, Lasha Guruli.

მუსიკალური ივენთების სერიის შემდეგ, კლუბი სეზონის ბოლომდე არაერთ ღონისძიებას უმასპინძლებს.

Boom Boom Beach ბათუმში 2015 წელს გაიხსნა. წელს კლუბმა ლოკაცია შეიცვალა და ახალ ბულვარში გადაინაცვლა. შესაბამისად, ვენიუზე მუსიკა 24 საათიან ნონ სტოპ რეჟიმში გაგრძელდება და ძველ ბულვარში არსებული დროითი შეზღუდვები მას არ შეეხება.

Boom Boom Beach-ის მთავარი „სიამაყე“ უახლესი და მსოფლიოში საუკეთესოდ აღიარებული ხმის სისტემა Funktion One Evolution-ია.

გახსნის ივენთების სერიის შემდეგ კლუბი სეზონის ბოლომდე იმუშავებს. მოსული სტუმრები ისეთ არტისტებს მოისმენთ, როგორებიც არიან ARTBAT, iO Mulen, Ksenia Kamikaza, Rybakit, Rhadow, მოწვეულ არტისტებთან ერთად კი ქართველი დიჯეები - ლაშა გურული, ტიმო ბერიძე, გიო შენგელია და არაერთი სხვა.