ტერორიზმის საფრთხის გამო, გერმანიამ თურქეთში საელჩო დახურა. ამის შესახებ საგარეო საქმეთა სამინისტროს ინფორმაციაზე დაყრდნობით, გერმანული გამოცემა Deutsche Welle წერს.

საერთო ჯამში, დაიხურა გერმანიის საელჩო ანკარაში, გერმანიის გენერალური საკონსულო სტამბოლში და ანკარაში მდებარე გერმანული სკოლა. გერმანიის საკონსულო სტამბოლში ტაქსიმის მოედანთან ახლოს მდებარეობს, ხოლო სკოლა - 1.6 კილომეტრის დაშორებით.

გერმანიის საკონსულომ თავის მოქალაქეებს ელექტრონული ფოსტით შეტყობინება გაუგზავნა და გააფრთხილა, რომ თურქეთში ახალი ტერაქტების რისკი არსებობს და მათ სამშობლოში დაბრუნებისკენ მოუწოდა.

გერმანიის მთავრობამ გადაწყვეტილება მას შემდეგ მიიღო, როდესაც რამდენიმე დღის წინ, ანკარაში აფეთქების შედეგად 37 ადამიანი დაიღუპა. ტერაქტზე პასუხისმგებლობა ქურთულმა ტერორისტულმა დაჯგუფება TAK-მა აიღო. ასევე, იანვარში, სტამბოლში 12 გერმანელი ტურისტი მოკლეს, რაზეც ე.წ. ისლამური სახელმწიფოა პასუხისმგებელი.