რამდენიმე წუთის წინ, ანკარაში, CNN Turk-ის სტუდიაში სამხედროები შევიდნენ.

არხის წამყვანმა პირდაპირ ეთერში გამოაცხადა, რომ შეჭრა 5-10 წუთის წინ დაიწყო და ეთერიდან ნებისმიერ მომენტში გათიშავდნენ.

ოფისში მიმდინარე მოვლენებს CNN Turk საკუთარ ფეისბუქ-გვერდზე ლაივში გადასცემდა. მოგვიანებით კი სამხედროები საეთეროში შევიდნენ და არხის მაუწყებლობა გათიშეს.

"ესეც ასე, უნდა დავტოვოთ ტერიტორია", - თქვა წამყვანმა და არხი გაითიშა.

რამდენიმე საათით ადრე, პრეზიდენტმა ერდოღანმა საზოგადოებას CNN Turk-ის ეთერით მიმართა. მან არხს ინტერვიუ მობილური ვიდეო-ზარით მისცა და განაცხადა, რომ გადატრიალების მოწყობაში გულენის მოძრაობა მონაწილეობდა. ასევე, მან მოუწოდა თურქ ხალხს, გამოსულიყო ქუჩაში და შეწინააღმდეგებოდა სამხედროებს.