რამდენიმე წუთის წინ, ავარია მოხდა რუსთაველის გამზირზე, პარლამენტის მიმდებარე ტერიტორიაზე. ერთმანეთს ოთხი ავტომობილი შეეჯახა.

როგორც შინაგან საქმეთა სამინისტროში On.ge-ს განუცხადეს, ინციდენტს მსხვერპლი არ მოჰყოლია. ოთხი დაშავებული საავადმყოფოშია გადაყვანილი.

უწყების ცნობით, გამოძიება 276-ე მუხლის პირველი ნაწილით მიმდინარეობს. ეს მუხლი გულისხმობს ტრანსპორტის მოძრაობის უსაფრთხოების დარღვევას, რომელმაც ჯანმრთელობის ნაკლებად მძიმე დაზიანება გამოიწვია.