იმ ბავშის მშობელი, რომელის შვილის მიმართ განხორციელებული ძალადობა ვიდეოზეა ასახული სკოლიდან იმ მოსწავლეების გაშვებას ითხოვს, რომლებიც მის შვილზე ძალადობდნენ. ამ მოთხოვნით ის და რამდენიმე მშობელი იმ სკოლასთან შეიკრიბნენ, სადაც, სავარაუდოდ, ბულინგში მონაწილე ბავშვები სწავლობენ.

"პოლიციამ თვითონ მომმართა, თბილისში ვიყავით წასულები. მპირდებიან, რომ ყველაფერი კარგად იქნება, მაგრამ ერთი კვირაა უკვე და ჯერ ვერაფერს ვერ ვხედავ. უნდათ რომ სახელი გაუტეხონ და უკეთებენ ასეთ რაღაცას. ნაცემია ბავშვი, დაძალებული აქვთ ასეთი სიტყვები, რომ ელაპარაკა და მერე ისევ უგრძელებენ ცემას და დარტყმას", - განუცხადა ბულინგის მსხვერპლი ბავშვის მშობელმა რუსთავი 2-ს.

On.ge დაინტერესდა ვიდეოს გავრცელების შემდეგ რა რეაგირება ჰქონდა განათლების სამინისტროს, გამოკითხა თუ არა სკოლის მასწავლებლები და დირექტირი, დადგა თუ არა ვინმეს პასუხისმგებლობა. უწყებაში ამბობენ, რომ ბულინგის შესახებ მათაც სოციალური ქსელის საშუალებით გახდა ცნობილი.

"არც სკოლა ვიცით, არც ბავშვები. საიდუმლო ადევს... მარტო სახელი და გვარი ვიცით. არ შეიძლება [ბავშვის სახელით და გვარით გარკვევა], ვიდრე არ დამთავრდება გამოძიება და როცა სხვა დეტალები გახდება ცნობილი რეაგირება - მერე", - აღნიშნეს განათლების სამინისტროში.

19 და 20 აპრილს სოციალურ ქსელებში ვიდეო გავრცელდა, სადაც ასახული იყო მცირეწლოვან ბავშვზე ბულინგის შემთხვევა. ვიდეომასალაში ჩანს როგორ აიძულებენ ბავშვები ატირებულ ბავშვს სავარაუდო სექსუალური კავშირის შესახებ ისაუბროს. ბავშვის სახე დაფარული არაა, ისმის მისი სავარაუდო სახელი და გვარიც.

ამავე თემაზე: