არასამთავრობო ორგანიზაცია პარტნიორობა ადამიანის უფლებებისათვის იურისტი ანა თავხელიძე ამბობს, რომ ბავშვზე ძალადობის ამსახველ ვიდეოში რამდენიმე სავარაუდო სისხლის სამართლის დანაშაული იკვეთება.

ანა თავხელიძის თქმით, სავარაუდოა, რომ ბავშვზე სექსუალური ძალადობა განხორციელდა.

"ვიდეოდან იკვეთება, ბავშვის მიმართ სავარაუდო იძულების ფაქტი. გარდა ამისა, ამ ვიდეოს გადაღება და გასაჯაროვება, როგორც პირადი ცხოვრების ამსახველი კადრის გავრცელება კანონსაწინააღმდეგოა.თუკი ისინი 14 წლამდე ასაკისანი არიან, მათ ვერ დაეკისრებათ სისხლისსამართლებრივი პასუხისმგებლობა. თუმცა, ეს არ ნიშნავს, რომ საქმე ამით უნდა დამთავრდეს. სახელმწიფომ აუცილებლად უნდა იმუშაოს ამ ბავშვებთან.", - ამბობს იურისტი.

შინაგან საქმეთა სამინისტრომ ბავშვზე ძალადობის ამსახველ ვიდეოზე გამოძიება დაიწყო. ვიდეომასალაში ჩანს როგორ აიძულებენ ბავშვები ბავშვს სავარაუდო სექსუალური კავშირის შესახებ ისაუბროს.

ამავე თემაზე: